U simpli lingua

Plu pe qi sio ariva ci, posi pensi de u nomina de u-ci blog: "Mi simpli bio". Qo-ka u-ci nomina? Qo un autori volu dice ko u-ci? E qo-ka u blog gene grafo in Glosa? Boni, mi pa gene interese in simpli bio pre multi anua. Mini-ismo pa es in voga, e e il pa es multi YouTube kanali qi pa dice de id. Mi pa komence sti mini mi ve-tena-fa, e mi pa vide plu avantage qi mi pa otena kon id.

Plus, ka mi pa habe interese in plu ge-face auxi-lingua e, duranto multi anua mi pa grafo per plu hetero lingua de u-ci tipo, mi pa decide trova mo lingua, solo mo lingua, qi pote gene klasi komo "simpli" e "mini-ismo" inter plu artificia lingua.

 Mi ne pa elekti Toki Pona, ka, akorda mi, id ne permito expresi auto boni. Histeri, mi pa trova Mini e mi pa lude kon id: mi pa krea un Wiki, e mi pa publika u bibli mo ge-grafo in u-la lingua. Anti-co, mi pa trova id tro mini-ismo e, ka-co, mi pa abandona id.

Po plu anua de uti Glosa, mi pa vide ke u lingua pa habe qo mi pa cerka: u lingua simpli, facili e mini-ismo, qi pote reali gene uti. Mi ski ke, te multi pe, Glosa ne es sati boni, sed, te mi, id habe panto-ra qo mi pa volu e, ka-co, mi pa decide uti id.

 Posi, plu hetero pe sio dice: "sed id ne es boni te gene uti komo un internatio lingua kausa....". Boni: po ta multi tem in qi mi pa grafo in plu hetero artificia lingua mi pote dice ke nuli fu gene elekti komo un internatio lingua. Zero. Solo Esperanto habe ali posi e mi, persona, ne krede ke u-ci fu acide. Plu ge-face auxi-lingua es u-la: u hobi. E, te mi, mi prefere mo qi es simpli, facili e ne kausa stresa, u lingua qi pote gene uti pene imedia, minus mega stude. Mi pa trova id in Glosa, veri, u simpli lingua. Minimo, u-ci es qo mi pensi.

Comentarios

Publicar un comentario

Entradas populares de este blog

U traditio-ismo pensi anti plu nu-di idea-logi

  Nu-di, pe pote trova multi idea-logi alo “plu ismo”: libe-ismo, konserva-ismo, sociali-ismo, anarki-ismo, Marx-ismo, neo-libe-ismo, etc. Panto-tem mu kompeti inter alelo. Un Espania grafo-pe Juan Manuel de Prada, de traditio-ismo pensi, dice ke plu idea-logi es “komo plu droga” [1] e “u maxi mega morali pato de nu-di munda” [2] , e an proposi u traditio-ismo pensi komo via te komprende e konfronta plu defi de nu-di munda. Hetero filosofi- e grafo-pe, José Ramón Ayllón, pa dice in an bibli El mundo de las ideologías (“U munda de plu idea-logi”) qo mu habe in komuni: 1.       Mu sub-ordina u reali a prejudika: Mu interpreta u munda dia u pre-ge-decide idea. 2.       Mu sti absoluti un idea: mu eleva plu idea komo “natio”, “libe” alo “eqa” a plu ne-qestio-abili veri. 3.       Mu promise u hedo munda ke nuli-tem veni. Id pote dona na uno idea u faktu ke klu u verba “idea-logi” ne pa feno a-kron u hekto anu...
Lekto ma »

Qo-ka mi pa decide grafo in Glosa?

 Nuli-pe dice Glosa. Mi ski id. Klu si id es u simpli e facili lingua de disci, multi pe ne ski de id existe. Mi pensi ke u-ci es uno-ra tristi, ka multi pe lose multi tem disci plu artificia lingua qi, veri, ne es iso facili de mu gene promoti. Plu hetero pe disci mu ka u komunita es ma mega, e u-ci es u boni kausa, sed, te mi, u-ci ne es u cefa qalita ke u ge-face auxi-lingua debi habe. Te mi, un artificia lingua kon u buta de es un internatio auxi-lingua, debi es simpli e facili de disci. Nuli-ra ma. Mi no kura de u suposi neutra per krea un a priori lingua alo u lingua ko multi verba ex multi hetero lingua, ex panto munda.  Mi ski ke Glosa ne es u perfekti lingua sed, qe ali artificia lingua es id? No. mi pa cerka tali lingua, e mi ne pa trova id. Ka-co, mi pa elekti Glosa, e mi resta kon id. Ka mi pote uti id pene minus stude e, u-ci, direkti komunika, debi es u maxi gravi buta de un internatio auxi-lingua.  Posi no multi pe fu disci Glosa, posi no multi pe fu lekto...
Lekto ma »

Bene-veni!

 Bene-veni a mi blog! Mi ski ke komence grafo u blog tem 2025 es uno-ra rari. Qo-pe grafo u blog in u-ci tem? Boni, mi. E, qo pote es ma rari, qo-pe grafo u blog in u lingua ke pene nuli-pe uti, u ge-face lingua te es ma exakti?  Mi ne ski qi fu lekto plu-ci artikla, sed mi ne pensi de id. Mi solo fu grafo de qo mi volu grafo, minus pensi in plu hetero-ra.
Lekto ma »