No, Esperanto ne es ta facili

Esperanto ne es ta facili iso id gene vendo. 

Poli pe sio pote pensi "Sed, qo an du dice? Esperanto es u fo-facili lingua ka id es uniforma, minus excepti, et-cetera". Ja, mi pote logi ke, kausa id gramatika, Esperanto pote feno u facili lingua. Mi auto pa disci id, per dice id ko plu Esperanto-pe. E me pote logi proxi panto-ra ke plu plu dice kron mi konversa ko mu. Anti-co, panto-tem ke mi pa tenta grafo uno-ra in Esperanto, mi panto-tem habe plu problema. Panto-tem. Ja, mi ski ke pe ne pote domina u lingua in poko tem, e panto lingua, klu Esperanto, nece gene stude uno tem te sti more de id sed, si id es u ta facili lingua, qo-ka mi habe ma problema te grafo in id de grafo in Interlingua, Occidental alo Glosa?

Posi id es ka mi dice plu hetero Latino-fili lingua? Posi, mi ne ski id.

 Iso mi pa dice supra, Esperanto nece gene stude duranto uno tem. Kon u-ci in menta, mi memo plu verba qi gene grafo in u preface de 18 Steps to Fluency in Euro-Glosa:

A truly International Auxiliary Language must be easy to learn for motivated people everywhere. It must not become a merely holiday language for comfortable westerners. 

U veri inter-natio auxi lingua nece es facili te disci pro plu ge-motiva-pe panto-lo. Id ne nece deveni u ne ma de feria lingua pro plu komforta Ocide-pe.

Pro mi, un auxi-lingua nece es simpli e facili, e nece pote gene uti imedia. U-ci acide solo ko Glosa e, kausa u-ci, mi decide, nu-di, ne grafo ma plu literatura textu in ali hetero ge-stru lingua extra Glosa. Mi jam grafo ma de 40 bibli, plus textu-bibli, e mi pa krea mega wiki artikla e mega filma in plu hetero ge-stru lingua.

 Mi ankora fu publika mo literatura bibli ma in un auxi-lingua ke ne es Glosa (id du gene ma-boni nu), e id fu es un ultima ge-publika literatura bibli in un auxi-lingua ke ne es Glosa.

 Ne, Esperanto ne es ta facili, iso plu hetero ge-stru lingua. Pro mi, Glosa es u maxi facili te disci e uti auxi-lingua.