Bene-veni!

 Bene-veni a mi blog!

Mi ski ke komence grafo u blog tem 2025 es uno-ra rari. Qo-pe grafo u blog in u-ci tem? Boni, mi. E, qo pote es ma rari, qo-pe grafo u blog in u lingua ke pene nuli-pe uti, u ge-face lingua te es ma exakti?

 Mi ne ski qi fu lekto plu-ci artikla, sed mi ne pensi de id. Mi solo fu grafo de qo mi volu grafo, minus pensi in plu hetero-ra.

Comentarios

  1. Filosofi-pe7 de junio de 2025, 15:12

    Bona di! Mi penite grafo u ne-tema komenta, sed mi habe questio, e mi spe; ke tu pote auxi mi. Qe tu ski, qo-pe proprie u Glosa lingua? Si existe kopireit ("copyright") in Glosa? Mi volu grafo novela, in qi plu pe konversa kon alelo per Glosa, e mi nece ski si ali-pe habe proprie de u puta-pote ("intellectual property") in Glosa. Place grafo a mi si tu ski u reakti (alo si tu volu simpli konversa de Glosa!). Mi (ge-kripti) e-posta eko es summit.zenith5750@eagereverest.com . Gratia.

    ResponderEliminar

Publicar un comentario

Entradas populares de este blog

U traditio-ismo pensi anti plu nu-di idea-logi

  Nu-di, pe pote trova multi idea-logi alo “plu ismo”: libe-ismo, konserva-ismo, sociali-ismo, anarki-ismo, Marx-ismo, neo-libe-ismo, etc. Panto-tem mu kompeti inter alelo. Un Espania grafo-pe Juan Manuel de Prada, de traditio-ismo pensi, dice ke plu idea-logi es “komo plu droga” [1] e “u maxi mega morali pato de nu-di munda” [2] , e an proposi u traditio-ismo pensi komo via te komprende e konfronta plu defi de nu-di munda. Hetero filosofi- e grafo-pe, José Ramón Ayllón, pa dice in an bibli El mundo de las ideologías (“U munda de plu idea-logi”) qo mu habe in komuni: 1.       Mu sub-ordina u reali a prejudika: Mu interpreta u munda dia u pre-ge-decide idea. 2.       Mu sti absoluti un idea: mu eleva plu idea komo “natio”, “libe” alo “eqa” a plu ne-qestio-abili veri. 3.       Mu promise u hedo munda ke nuli-tem veni. Id pote dona na uno idea u faktu ke klu u verba “idea-logi” ne pa feno a-kron u hekto anu...
Lekto ma »

Qo-ka mi pa decide grafo in Glosa?

 Nuli-pe dice Glosa. Mi ski id. Klu si id es u simpli e facili lingua de disci, multi pe ne ski de id existe. Mi pensi ke u-ci es uno-ra tristi, ka multi pe lose multi tem disci plu artificia lingua qi, veri, ne es iso facili de mu gene promoti. Plu hetero pe disci mu ka u komunita es ma mega, e u-ci es u boni kausa, sed, te mi, u-ci ne es u cefa qalita ke u ge-face auxi-lingua debi habe. Te mi, un artificia lingua kon u buta de es un internatio auxi-lingua, debi es simpli e facili de disci. Nuli-ra ma. Mi no kura de u suposi neutra per krea un a priori lingua alo u lingua ko multi verba ex multi hetero lingua, ex panto munda.  Mi ski ke Glosa ne es u perfekti lingua sed, qe ali artificia lingua es id? No. mi pa cerka tali lingua, e mi ne pa trova id. Ka-co, mi pa elekti Glosa, e mi resta kon id. Ka mi pote uti id pene minus stude e, u-ci, direkti komunika, debi es u maxi gravi buta de un internatio auxi-lingua.  Posi no multi pe fu disci Glosa, posi no multi pe fu lekto...
Lekto ma »