Mi Simpli Bio

Plu pe qi sio ariva ci, posi pensi de u nomina de u-ci blog: "Mi simpli bio". Qo-ka u-ci nomina? Qo un autori volu dice ko u-ci? E qo-ka u blog gene grafo in Glosa? Boni, mi pa gene interese in simpli bio pre multi anua. Mini-ismo pa es in voga, e e il pa es multi YouTube kanali qi pa dice de id. Mi pa komence sti mini mi ve-tena-fa, e mi pa vide plu avantage qi mi pa otena kon id. Plus, ka mi pa habe interese in plu ge-face auxi-lingua e, duranto multi anua mi pa grafo per plu hetero lingua de u-ci tipo, mi pa decide trova mo lingua, solo mo lingua, qi pote gene klasi komo "simpli" e "mini-ismo" inter plu artificia lingua.  Mi ne pa elekti Toki Pona, ka, akorda mi, id ne permito expresi auto boni. Histeri, mi pa trova Mini e mi pa lude kon id: mi pa krea un Wiki , e mi pa publika u bibli mo ge-grafo in u-la lingua. Anti-co, mi pa trova id tro mini-ismo e, ka-co, mi pa abandona id. Po plu anua de uti Glosa, mi pa vide ke u lingua pa habe qo mi pa cerka: u ...

 In u pre artikla mi pa dice: "Te mi, un artificia lingua kon u buta de es un internatio auxi-lingua, debi es simpli e facili de disci. Nuli-ra ma." Boni. U-ci es u gradu mo; anti-co, u lingua nece servi te gene elekti komo un internatio lingua. Si u lingua es simpli e facili sed ne pote gene uti te dice de skience alo de ali-ra de qo pe pote dice in plu hetero lingua, qo es u punkta? Id es veri ke, te grafo in Glosa, pe nece pensi ma ka pe ne pote translati u textu komo plu hetero pe face ko plu hetero ge-face lingua (Esperanto, Ido, Occidental, etc.). U-ci acide kausa u logika de Glosa, qi pote gene defini ko plu-ci verba ex Lancelot Hogben: U logika ge-face verba-lista sio apo multi sinonima alo proxi-sinonima, de qi Anglo-Amerika lingua es ple. Ex. little – small , big – large , begin – commence . Id ne nece tolera funktio imbrika homo band – ribbon – strip . Plus, id sio evita excesi specializa per face mo verba akti qod in Plu Palaeo Lingua gene face per tri alo ma. Exe...

 Nuli-pe dice Glosa. Mi ski id. Klu si id es u simpli e facili lingua de disci, multi pe ne ski de id existe. Mi pensi ke u-ci es uno-ra tristi, ka multi pe lose multi tem disci plu artificia lingua qi, veri, ne es iso facili de mu gene promoti. Plu hetero pe disci mu ka u komunita es ma mega, e u-ci es u boni kausa, sed, te mi, u-ci ne es u cefa qalita ke u ge-face auxi-lingua debi habe. Te mi, un artificia lingua kon u buta de es un internatio auxi-lingua, debi es simpli e facili de disci. Nuli-ra ma. Mi no kura de u suposi neutra per krea un a priori lingua alo u lingua ko multi verba ex multi hetero lingua, ex panto munda.  Mi ski ke Glosa ne es u perfekti lingua sed, qe ali artificia lingua es id? No. mi pa cerka tali lingua, e mi ne pa trova id. Ka-co, mi pa elekti Glosa, e mi resta kon id. Ka mi pote uti id pene minus stude e, u-ci, direkti komunika, debi es u maxi gravi buta de un internatio auxi-lingua.  Posi no multi pe fu disci Glosa, posi no multi pe fu lekto...

 Bene-veni a mi blog! Mi ski ke komence grafo u blog tem 2025 es uno-ra rari. Qo-pe grafo u blog in u-ci tem? Boni, mi. E, qo pote es ma rari, qo-pe grafo u blog in u lingua ke pene nuli-pe uti, u ge-face lingua te es ma exakti?  Mi ne ski qi fu lekto plu-ci artikla, sed mi ne pensi de id. Mi solo fu grafo de qo mi volu grafo, minus pensi in plu hetero-ra.